回歸"十"年.....................!!

十年前今日同樣陰天下雨天,由中午開始由上亞厘畢道至港督府都塞到水洩不通,無論中外傳媒,香港市民,無不趁最后機會見証一個殖民地終結.大約至下午四時左右,目送末代港督彭定康乘座駕最后一次離開港督府后,我亦都決定回家從電視見証歷史時刻.

我仲記得同當時係我編輯同事"Desire Ng"由回歸典禮開始(大既11點左右)一直用電話live chat至完畢不特止,差不多至天光才收線.所以就算至今,我都會特別留意"樹記"新聞糸畢業生.事實上佢令到我係當時開始整整"十"年改變不小.雖然佢唔能夠睇到我呢篇日誌,但我都耍多謝佢對我既鼓勵同幫忙."無論個份係報紙,刊物,電視台.你做既工作都係一樣,都係記者或攝影記者.無分高低或賣紙抑或唔賣紙,有分別只會係出於你自己."Desire!!我永遠唔會忘記.

我諗每一個當時見証回歸既香港人,萬萬估唔到從六月三十日打後既整整三個月裡面,就好似上天對呢個過左一百五十多年受殖民統冶既小地方作出徹徹底底清理.足足三個月不停落雨,似乎係過去十年香港既經歷作左一個凶兆.

"十"年人事幾翻新

回歸典禮當晚后,隨即舉行各官員宣誓儀式,你仲記得當時既陣容嗎?

陳方安生------當晚尤如寶藏中的女皇,全身鮮紅既裝束.但點都估唔到會死係老董之手.

梁錦松--------因一已私欲而斷送一生政冶前途既金魚佬.(我始終覺得係跳水皇后害死佢)

葉劉淑儀-----一個以為只要遵從中央旨意就會帶來美好政冶前途既天真女人,到頭來竟然死係人民力量之下,"走狗"!!

楊永強--------同葉劉一樣,當年為左自己政冶前途討好中央而置香港市民於不理下,慘令299個枉死於沙士病之下既香港人的另一"走狗"!!

董建華--------一個連自己家旅生意都唔可以打理既老人家,竟然可以做一個特別行政區首長.(講都唔想講)

"十"年樹木,百年樹仁.

通常呢句句子黎形容教育意義有幾偉大,但用黎形容香港回歸十年既教肓,只可以講"Totally Disaster"!!

黃金"十"年

對於好多回歸時正值黃金十年既中產人士來講,決定留低發展係人生重耍抉擇,但到頭來金融風暴,負資產,企業裁員................!足足令這十年財產以及時間完全蒸發.

"十"室九空

自金融風暴,樓價大跌,加上03年"沙士"事件,君不見滿街"吉鋪",的士滿佈的士站,百業蕭條,市民心理過得一日就一日.

"磋佗歲月"-此詞語出自中共文革十年后一些受打壓既知識分子來形容過去十年的所作所為

自回歸后特區政府為左擺脫殖民地式教育制度,推出又收回,推出又收回,反反覆覆,朝令夕改.后期更設立語文基準試,將大部份責任放上教師身上,令教師生至今無所適從.

打壓新聞自由,尤如文革年代,對付影響特區管冶威信既民調,打壓政冶評論員,例如:"黃煜民"教授,由九七回歸時仍然活躍傳媒,電台與及專上教育既佢,至今打壓成講故佬,講波佬,牛肉麵佬."磋佗歲月"!

祝願跟著既"十"年會好好.................好!!!