只差大威一關,塞爾維亞新星Ana Ivanovic就會繼上月法綱后,再度打入另一項大滿貫決賽.
自今屆賽事開始至今女子賽事之中,最有觀賞價值既對決,由塞爾維亞既Ivanovic對來自捷克Nicole Vaidisova,我自己認為此兩位Teenage新星,極大可能性將會係未來女子綱球既霸主.同樣二十歲未夠,兩個均擁有超過六尺身高,兼且強壯身軀,足以支持現今力量形打法既女子綱壇,但除以上幾點以外,佢地兩個不僅以力量壓倒對手,比起初出道時兩位明顯戰術運用與及心理控制方面進步不少,尤其是Ivanovic,現時既佢面對逆境比起出道時進步不少,尋晚既賽事可以係落后一盤兼且係Final Sets2-5之下連救3個Match Point,最后反勝Vaidisova,足以證明法綱決賽既一役,令佢作戰心理上又升級到另一層次.至於佢下一仗對手Venus Williams,從今屆各女子球手表現,大威最有冠軍相,但是否無敵,我又覺得未必,觀乎對日本球手森上亞希子既一場比賽當中,大威犯上錯誤多不勝數,只要Ivanovic能夠有耐性等待機會,兼且唔好急於求Winners既戰術下,我覺得大威會易應付過細威.
至於Nicole Vaidisova,我相信佢亦都係等待一個Turning point,以佢現時擁有既條件,再上另一層次指日可待.而此兩位未來既霸主,尋晚既對決,好有可能成為未來既經典賽事之一.
沒有留言:
發佈留言